تجربة صنع كوب بالفخار
|
في يوم ٢٤ يناير ٢٠٢١، كنت في تجربة خاطري اسويها من زمان ومتحمسة لها مرة 😩 الي هي اني اسوي كوبي بيدي 😭💕 تجربة صنع كوب بالخزف تبع استديو كيراموس الشغل كان بالعجلة امتع بكثير من الأنواع الثانية والي كان خاطري اجربة
رابط موقع استديو هنا
|
التجربة حجزتها من موقع هاو للتجارب كانت لمدة ساعه واسوي فيها قطعة وحدة الي هي "الكوب" فيه خيارات اكثر وكورسات مختصه في موقع كيراموس نفسه 🙅🏻
في البداية الكوتش الاء عطتنا معلومات عن العجلة وعن الطين المستخدم " استخدمنا نوع إيطالي" ❤️، ومراحل الصنع، وكيف نتحكم بالطينة ونشكلها 💁
العجلة جدا سهلة ونتحكم فيها بالضغط على جهاز السرعه بشويش 💪
طبعا نبدأ بقطعة طين مكورة ونحطها في نص العجلة "تقنية السنتر" ونضربها بأقوى قوه عشان تتثبت زين "الكوتش تقول في هاللحظه فكروا بشخص رافع ضغطكم " 😂 وبعدها نبدا الشغل ويدينا مليانة مويه لان الطين يشرب موية كثير 🙃
بداية المعالم لكوبي الجميل 😩، طبعا لازم نحدد شكل الكوب من قبل عشان التكشيل يكون على اساسة الكوب راح يكون بدون مسكة او زوائد لانها تحتاج شغل زيادة نضيفها بعد ما ينشف الكوب.
وخلص كوبي 😍، مرحلة التنشيف تأخذ وقت ما توقعتها الصراحة في البداية يخلونها تنشف على الهواء لمدة ٣ أيام وبعدها تدخل الفرن وبعدين يخلونها تبرد فتره، عشان استلم كوبي اخذت فترة ما يقارب ٢-٣ أسابيع 😅 التلوين لها جلسة لحال اذا ابي اخلي الكوب لمشروب حار ☕️
صورة الكوب بعد التنشيف، يبي له جلسة تلوين ان شاء الله
التجربة جدا جدا ممتعة حبيتها الصراحة والمكان يفتح النفس ومرتب مرة والي يشتغلون رايقين 💆🏻.
الصراحة انصح فيها مرة وما تأخذ وقت وشعور انك تتعاملين مع الطين جدا جميل 😩
التجربة انا اخذتها سيدات فقط فيه عوائل اذا حابين مع اطفالكم.
|
|
|
في هذي الفقرة راح أشارككم تجارب أصدقاء عهد ك أول تجربة لهم من دافع تشجيعكم بالتجربة💪🙅.
|
|
|
|
شاركوني أول تجربة لكم في الفخار بالتعلقيات او بالرسائل الخاصة .
💫 بإنتظار تجربتك 💫
تعليقات
إرسال تعليق